مسرحية إقامة شهيرة في عرض أول الجمعة : المحرزي يعود إلى الإخراج بإقتباس نص عالمي

الشعب نيوز / ناجح مبارك - في إنتاج مشترك بين  مسرح أوبرا – تونس و التلفزة التونسية يقدم المخرج عبد العزيز المحرزي العرض الأول لمسرحية "اقامة شهيرة" الجمعة 23 جانفي 2026 على الساعة 19:30 وذلك  بمسرح الجهات .

" شهيــــرة " ،  كما يقدمها مخرجها ينص دارج..." امراة زين و ثقافة و رتبة  قدا  و فيانة .... بوها خلالها اقامة .... واقفة عليها كى ما يلزم تفرح بالنزلاء و العابرين  الضحكة ما تفارقهاش ثمة اشكون يقول ملا امراة و ثمة اللى يسرح و يقول ...ماعون صنعة ..ساهلة و شراية بلاء...الحرفاء اشكال ..الرجال  اتفرق كيف النساْء.... ثمة راجل داخلها  بالجهل بقوة الفلوس و قلة الحياء   ماشي فى بالو المراة تتباع و تتشرى .. ... و ثمة اللى يصرف فى اصلو و فصلو و عروقو النابتة فى جوف الارض .

و فى محصول الحاصل ...  بفلوسو ينجم يجلبها   باسمو الكبير، يقربها الاخر زادم عالدنيا بقوة المال و يصرف، و ببلالط و خاتم يحب يربط الخيوط....... و ترضى بيه شهيرة مدير الاقامة زادة  دخلها فرندسي و لعبت عليه الغيرة ... عاشق ولهان... و يحب يعرس بيها... جابو الطمع ... علاش ما يوليش الزوج المدير  و  صاحب باى فى الاقامة ... شهيــــرة تبلع و اتغص و ماشية لكل واحد بهواه.... حتى جاء نهار حريف .... عكس اللى سبقوه يكره النساء .... و ما يطيقهمش .رقدتلو  فى الخط و مشاتلو بهواه...و باسلوب راقى .... و طرق ظامرة و حلوة ...جابتو  للثنية ...و مالكره ردتو  غاطس فى حبها للكبوس .و يستنى نهار اللى يدخل عروس و ماعاد ما يمن و يشهد كان بيها ..حلم داخل عليها عروس ..حلم بثروتو زادت و كثرت عليه الفلوس ...حلم اللى الحياة تفقد جزء هام من معناها  من غير امراة  حلم .. حلم .. وهو فايق ..نهار خذاتو عينو حلم ......اللى هو داخل عروس  فاق  عالتعليلة ........ زعمة اش غناولو ... بات فى ليلة  ....

هاذى فكرة عالحكاية اللى يطرح فيها قلدونى  و بطريقة كوميدية راقية  .وضع المراة فى مجتمع ذكورى ... فى جزء كبير منو ..يمن اللى .. المراة ماهى الا امراة ... ياخى جات شهيرة لسى السينوجى و فهمتو اش معنى المراة ... و فى السياق  . يعرى قلدونى على الطبقة  اللى ولات اتفيش عملت زوز صوردى من هونى و من غادى ولات  اتقيش ..راس مالهم اللهفة و قلةالحياء ...و فى عقليتهم المراة تتشرى... و اللى داخلها باصلو و فصلو   .... و عروقو المرمية .... عطاه المؤلف مصروفو.... قالو فيق ... و اخطاك مالتبطريق و راك غالط فى الثنية."

* نص عالمي وإقتباس 

احداث و مواقف ساخرة ناقدة  لنمط من المجتمع صاغها المقتبس بطريقة مرحة ... احترم فيها مقاييس الكوميديا الكلاسيكية  وروح  الكاتب الكبير قلدونى ... مقتبس النص عبد العزيز المحرزى .

* التقديم الفني

عرض "إقــامــة شــهــيــرة"

• إخراج: عبد العزيز المحرزي 

• مخرج مساعد يسرى القصباوي

آداء: 

• إباء الحملي 

• فرحات الجديدي 

• جلال الدين السعدي 

• شكيب الغانمي 

• لطفي ناجح 

• أميمة المحرزي  

• يسرى الطرابلسي  

• صبري البوهالي 

• بمشاركة عازف الكمان راضي الشوالي

• لوحات مراد الحرباوي 

• تلحين الموسيقى راضي الشوالي

• إبتكار الإضاءة صبري العتروس 

• توضيب هيكل السعايدي 

• مابينغ يوسف بوعجاجة 

• كوريغرافيا قيس بولعراس 

• ملابس إيناس بوزيان 

• صناعة ديكور سامي الماجري 

• إدارة الأنتاج يسرى القصباوي.