الاتحاد حافظ على المنشآت العمومية و وقف ضد بيعها و التفويت فيها بالمليم الرمزي
باقلام النقابيين / الشعب نيوز / نشر الاخ ياسين الخضراوي الكاتب العام للفرع الجامعي للفلاحة بالقصرين تدوينة على حسابه الخاص في موقع فايسبوك جاء فيها:
الناس اللي شامتة و تستعمل في صفحات مجهولة و مؤجورة - نكتب لهم - هذه حقيقة المنظمة و لهذا تريدون إزالة الاتحاد ليخلو لكم "الجو" لتبيضوا و تُفرّخوا.
أما الحقيقة اللي يعرفها الميدان فتقول:
ياخي الاتحاد ما فاوضش على تحسين الأجور؟
ياخي الاتحاد ما حماش مواطن الشغل في أصعب الأزمات؟
ياخي الاتحاد ما وقفش مع المصابين و ضحايا الحوادث المهنية؟
ياخي الاتحاد ما ناضلش من أجل التغطية الاجتماعية و الصحية؟
ياخي الاتحاد ما كانش صوت من لا صوت له؟
ياخي الاتحاد ما دافعش على الحق النقابي و حرية التنظيم؟
ياخي الاتحاد ما ساندش العائلات و المتقاعدين؟
ياخي الاتحاد ما رفعش راية الكرامة في كل موقع عمل؟
و نزيدكم :
ياخي الاتحاد موش هو العمال بالفكر و الساعد؟
ياخي الاتحاد ما حافظش على المنشآت العمومية و وقف ضد بيعها و التفويت فيها بالمليم الرمزي؟
ياخي الاتحاد ما دعمش المستشفيات المحلية بالتجهيزات الطبية و غيرها؟
ياخي الاتحاد ما ساهمش في بناء مدارس و مؤسسات تربوية؟
ياخي الاتحاد ما دافعش على قفة الزوالي و القدرة الشرائية؟
ياخي الاتحاد ما ساندش القضية الفلسطينية في كل المحافل الدولية؟
الاتحاد العام التونسي للشغل
موش حكاية عابرة…
هو تاريخ من النضال، مكتوب بتضحيات أجيال
و حقوق تثبتت بالفعل موش بالكلام
الاتحاد يبقى ديما قوة اقتراح__ قوة تفاوض__ و قوة دفاع على العامل وين ما كان
عاشت المنظمة