الشعب نيوز/ وسائط – في اطار الحديث عن فقدان الدواء والجدل الدائر حوله كتب الدكتور و الجامعي ذاكر لهيذب نصا على صفحته على الفايسبوك ننشره اثراء للنقاش وتعميما للفائدة :
" في حكاية ترشيد استعمال الادوية ، قبل ما تخونوا الي قالها وتنزعوا عليه صفة الإنسانية وقبل ما نسبّو ( دعاء الشر داخل في السب راهو ) المنظومة الصحية كاملة ، علاش ما نفكروش بشجاعة وبرأس مرتاح ( كيف مايقولو الفرنسيس) ؟؟؟
علم ترشيد استعمال الادوية موجود ، وماهوش مثلما صوروه بعض المؤثرين على المواقع الاجتماعية متاع كبير في العمر خليه بلاش دواء والا مريض بالسرطان منتشر خليه بلاش كيميائي.
ترشيد استعمال الادوية فيه العديد من الاركان، شدوا عندكم.
1- التكوين المستمر للأطباء
2- بيع الدواء بالحبة وليس بالعلبة ( مثل بلدان امريكا الشمالية)
3- عدم استعمال المضادات الحيوية في حالة الامراض الفيروسية وخاصة الانفلونزا.
4 – الامتناع عن بيع الدواء بدون وصفة طبيبة.
5- مراجعة التوصيات العلمية وحث الاطباء على اتباعها Recommandations des sociétés savantes et de l’INEA SANTE
6- التأخير في استعمال المضادات الحيوية والتدرج في قوة ومجال المضاد .
7- التشجيع على الادوية الجنيسة ( مثل بلدان العالم المتقدم الكل)
8- التشجيع على الوقاية والتلاقيح.
ولكم سديد النظر ، وبالنسبة للمتشنجين هواة الشتم واصلوا في رياضتكم المفضلة."
