من وحي الوضع في مركز Dynamo RC بسليانة : أسئلة محرجة تساهم الاجابة الصريحة عنها في حل الاشكال
سليانة / الشعب نيوز - من وحي الوضع العمالي المتوتر في مركز Dynamo بسليانة، تداول النقابيون في الجهة والقطاع مجموعة من الاسئلة التي فرضتها معاينتهم للممارسات التي يأتيها صاحب المؤسسة في حق العمال وفي حق ممثليهم النقابيين ولكن أيضا في حق العديد من مؤسسات ومصالح الدولة.
كتبت هذه الاسئلة بلغة دارجة نهلت من الواقع اليومي فأتت واضحة وجميلة ومعبرة وهو الامر الذي جعلنا ننشرها كما وردت في الصفحات الخاصة لعدد من الاخوة النقابيين من الجهة والقطاع.
[ مركز الاستغاثة سليانة : Dynamo RC
أنتي زيد طرد واحنا نزيدو على القدام خلي نشوفو اخرتها وين ؟
نحبو نطرحو عليك بعض الأسئلة لا غير :
الفاتورة متاع اتصالات تونس اللي تتصبلك كل شهر قداه ؟
الفلوس متاع المركز قاعدة تقعد في المركز ولا تمشي لدواعي اخرى ؟؟؟؟؟
30 خدام حرت فيهم ؟
قداش من خدام استعملت من 2004 لتوة خلي نفهمو موقع العمل قار والا ظرفي ؟
شنية الطريقة اللي خذيت بيها الخدمة ؟
قداه من واحد من العائلة يخدمو معاك ؟
شركة مستقلة ولا شركة عائلية ؟
اتصالات تونس ويني؟ نقابات اتصالات تونس ويني ؟ الجامعة العامة لاتصالات تونس ويني ؟
الموسسة العمومية ويني ؟
خدمة الحرفاء ويني ؟
فلوس الأداءات ويني ؟
فلوس القباضة ويني ؟
فلوس الصناديق ويني ؟
شهاري الخدامة ويني؟
كرامة الناس ويني ؟
حق سليانة وينو؟
حق مكثر وينو ؟
حق اصحاب الشهائد اللي باسمهم خذيت المشروع وينو ؟
رجع الخدامة يهديك ؟
خلص الناس يهديك ؟
خلص الصناديق يهديك ؟
خلص الدولة يهديك ؟
نبقى على هذا النغم ويعمل ربي دليل سيب الشهرية سيب حق الناس يا من نصبت نفسك مكان القضاء
دعوة مفتوحة لكل النقابات ومنخرطي القطاع للأعداد لتجمع امام مقر اتصالات تونس …]…
هي أسئلة محرجة دون شك ولكن يمكن رفع الحرج اذا وقعت الاجابة الصريحة عليها بما يساعد على حل الاشكال بصفة نهائية.
